中文雜誌館的部落格

臺江臺語文學 3月號/2013 第5期買到賺到

博客來文學史地-文學分類熱銷好書

臺灣新樂府                  施炳華
中國第一本歌詩總集《詩經》（B.C.3000?2500）中的(?)【國風】，是街頭巷尾會當(t?ng) 唱的民謠。漢朝有樂府詩，伊的來源有兩種：上起頭是官方所採集各所在的民謠， 這是上有性命、上有價值的樂府詩；閣來是文人模仿民謠所寫的樂府詩。宋朝的「詞」亦號做「樂府」，嘛是按民間先唱--起-來的；毋拘，詞是先有曲譜（音樂）才閣「填詞」的。當時誠有名的作詞家是柳永，有井水的所在，就會當聽著唱柳永的「詞」。面頂所講的民謠、樂府、詞，總愛有兩種要素濫鬥陣：就是音樂佮歌詞；若是拆離其中的一種，就有缺憾。

臺灣的歌謠就是「臺灣新樂府」。國立台灣文學館的李瑞騰館長講：「應該愛共(k?) 臺灣的歌謠看做是一種樂府， 收編入去臺灣文學的箍(khoo) 仔內。」這是對重(ti?ng) 歌謠的歌詞的內容佮文學性。臺灣/ 語歌謠會使得分做民謠、流行歌、藝術歌三類，這三類攏有唱歌l? 曲娛樂中的「文學」特質。按臺灣/ 語文學史來看，一向予人看無上(tsi?nn) 目的臺灣歌謠的文學，自20 世紀末期已經慢慢浮頭；tsit-m? 欲閣鋪排臺灣/ 語文學史「新樂府」的一章??臺語歌謠文學。

佇遮欲來練仙我個人唱流行歌的經驗。我是1946 年出世的，我唯(u?) 讀初中（這陣叫做國中）起就愛唱臺語流行歌，較早時行(ki?nn) 細細本閣厚厚的流行歌簿，掀開歌仔簿、看簡譜，就按呢一條一條一直唱，唱袂si?n。生來就是講臺灣話，看歌仔簿的臺語漢字就會曉唸，會曉唱，唱啊唱，誠心適！ ah 若欲講伊的文學性，失禮，彼(hit) 陣的我無「文學」這?名詞；雖罔毋知「文學」，總是用唱臺灣歌來解心悶，樂暢樂暢。

作詞家完成一首歌詞，是一?完整的構想：句讀(t?u) 那詩，情節那小說；所以一首歌就是一?小故事（譬如〈安平追想曲〉），就是一段甜蜜抑(ah) 是哀傷的感情的抒發（ 譬如〈雨夜花〉），符合「詩是上精鍊的語言」的特質。歌、詞互相配合，就是「歌詩」。臺語流行歌是一般民眾的精神糧食，表現咱生活中的鹹酸苦汫(tsi?nn)，咱的鄉愁，咱的向(?g) 望……。唱咧唱咧，會笑，會流目屎，會沈迷， 會覺醒，這就是音樂配合文學感動人、迷人的所在。親像嗍(suh) 空氣共(k?ng) 款，一般人袂感覺空氣的存在；流行歌嘛是有文學，只是無特別摘(tiah) 出來講爾爾(ni?)。佇民間文學中的「歌謠文學」??尤其是流行歌??有伊豐沛的內容、社會背景的呈(th?ng) 現，濟(tsu?/ts?) 款的文學技巧、普遍的傳唱影響力，咱愛ka 重視、發揚。

歌雖然以音樂為主，若無好的內容，就歌不成歌。臺語流行歌的作詞家佇過去的年代創作足濟人人愛唱的「歌詩」，套用《臺灣歌謠臉譜》（鄭恆隆、郭麗娟編著）這本冊的用語，有：歌謠界公學士、全精神補破網的李臨秋，歌謠界泰斗、花謝落塗不再回的周添旺，歌謠界才子、毋願旋(suan) 枝出牆圍的陳達儒，文思敏捷的作詞家、舊情綿綿情意厚的葉俊麟，猶閣有其他濟濟才華豐沛的作詞家，配合優美的melody（旋律），帶予咱溫暖、安慰。

遮--的早期的作詞家攏有漢學基礎，閣浸佇民間文學的環境中，用濟款的文學技巧來表現臺灣人生活的種種。就句讀形式來看，有：四字句的「閒夜無伴，偎在桌邊，看見當開，一蕊花枝。含帶香味，花紅葉青，動阮心內，思念當時。」（〈碎心花〉周添旺詞）花有芳味，花葉相陪伴，予少女見景思情。有七字仔的「想欲結髮傳子孫，無疑明月遇烏雲。尪婿?誤阮青春，哎唷！一個紅蛋動心悶。」（〈一個紅蛋〉李臨秋詞）描寫一?少女嫁著一?袂當「人道」的翁婿，每一遍若看著別人生紅嬰仔做滿月的紅蛋，就「動心悶」、「引珠淚」。有無固定句式，依照感情的需要來決定字句的長短句：「獨夜無伴守燈下，清風對面吹。十七、八歲未出嫁，見(t?g) 著少年家。果然標緻面肉白，誰家人子弟？想欲問伊驚歹勢，心內彈琵琶。」（〈望春風〉李臨秋詞）這是7、5 字相紲(su?) 的格式，描寫出懷春少女閉思(p?-s?) 閣想欲嫁翁的心情。「雨夜花，雨夜花，受風雨吹落地。無人看見，暝日怨蹉(tshueh)，花謝落塗不再回。」（〈雨夜花〉周添旺詞）這是336，447 字句的格式，用雨夜中受風吹落地的花蕊來比喻風塵女子的無奈心聲。嘛用對話形式表現男女的談情相褒，增加足濟趣味。「（男）有話想要對你講，不知通也不通？（女）叨一項？（男）敢也有別項。（ 女）肉文笑，目睭降。（合）你我戀花朱朱紅。」（〈四季紅〉李臨秋詞）用微微仔笑佮使目尾的動作來回應對方，「此情盡在不言中」。講著所運用的文學技巧，我閣舉幾?例來鼻芳ts?（一下）。

1.對比：〈梅前小調〉李臨秋詞：「春來梅花滿滿是，獨阮為何無春天？也無真情好知己，愁眉不展無了時。」「梅花滿滿是」對比家己的「孤單無春天」。
2.     2.按具體引入抽象：〈不願煞〉李臨秋詞：「……風吹雖然斷了線，情絲猶原也相拖，也相拖，向(?g) 你來做伴。」用「風吹斷了線」具體的形象來引起抽象的「情絲欲相拖」。
3.     3.融情入景：〈月夜愁〉周添旺詞：「敢是註定無緣份，所愛的伊，因何給阮放袂離？夢中來相見，斷腸詩唱袂止， 啊！憂愁月暝。」有月的暗暝是憂愁的，因為主角無法度參所愛的伊鬥陣。

歌謠是上貼(tah) 近咱的生活的。民謠、流行歌攏是祖先留予咱的珍貴遺產。日治時代、第二次世界大戰戰後到今(tann)，臺灣人佇艱苦生活中、佇經濟起飛中，有期待，有樂觀，嘛有堅強的性命力，所創作的臺語歌謠安慰了濟濟臺灣人?卒的心靈、歡樂的情緒。
綴著臺語的推行、臺語文學作品的增加，詩人開始思考：「『詩只有佮音樂結合』，才會當行入群眾，參群眾心連心，成做每一?人生活的一部分，並且進一步提昇鄉土文化的水準。」（莊柏林《上美的歌詩》CD 序文）濟濟的作者參音樂家配合，寫出、演唱袂少的臺語藝術歌曲。

臺語民謠、流行歌、藝術歌毋是kan-na 音樂好聽，歌詞的內容佮文學表現閣較使人感動。咱逐家鬥陣來欣賞臺灣新樂府「歌詩的?」。